Новости

Отырар ауданы № 1 Жалпы білім беретін мектеп медицина қызметкерлерінің мектеп ұжымымен және оқушылармен біріге отырып «25 – ші сәуір Дүние жүзілік безгекпен күрес күні» тақырыбында Флешмоб пен түсіндірме жұмыстары өткізілді.

Өткізілген күні: - 22.04.2025 жыл.

Қатысқандар: 5-10 сынып оқушылары мен сынып жетекшілері.

Өткізілген орны: - Мектеп ауласы және АКТ зал.

Тқырыбы: - «25 – ші сәуір Дүние жүзілік безгекпен күрес күні».

Ұйымдастырушы:

Директордың тәрбие ісі жөніндегі орынбасары: - Бекбаев С.

Мектептің педагог психологы: - Құтымова С.

Мектеп тәлемгері: - Тукибаева Б.

Таныстырушы: Мектеп мейіргерлері: - Сейталиева М, Мелдебекова Э.

Жасалынған іс-шараның нұсқалары мен қатысқандары қосымша парақта жүктелді.

Түсіндірме жұмыстарын қорыта келе

Жеке бас тазалығына басты назар аудару.

Қоршаған ортана ластанудан сақтауға, (қоқыстар мен құтышақтар тастамау) таза ұстауға атсалысу.

Масадан қорғанатын тәсілдерін (теріңізді жабу, шалбар мен ұзын жеңді жейде кию, төсек торының (масахана) пайдалану) жасау.

Түсініксіз дене қызуы көтерілгенде дәрігерге міндетті түрде тексерілу керектігі.

Осы танысқан ақпараттармен жақындарымен бөлісуі керектігі айтылды.

“Кітап – ұлттың қазынасы”

Бүгін №1 жалпы білім беретін мектеп қабырғасында рухани мәні зор ерекше іс-шара өтті. Ұлттық кітап күніне орай ұйымдастырылған бұл жиын – білім мен парасаттылыққа бас иетін, руханиятты құрметтейтін шара болды.

“Кітап – халықтың рухани қазынасы, мәңгілік мұрасы” деген ұлы сөздің мәнін оқушылар жүрекпен сезініп, әр парағына тағылым, әр жолына тарих сыйған кітаптың қадірін терең ұғынды.

Оқушылар өз сүйікті кітаптары жайлы ой бөлісіп, кітап оқу арқылы дүниетанымның кеңейіп, ой-өрістің биіктейтінін түсінді.

Кітап оқитын ұрпақ – болашағы жарқын, кемел келешекке нық қадам басатын ұрпақ. Бүгінгі шара – білімге бастар жолдың жарқын көрінісі болды.

Бүгін мектебімізде маңызды ғылыми конференция өтті. Іс-шара барысында зерттеушілер өз ғылыми баяндамаларын оқып, тың идеяларымен бөлісті. Конференция жоғары деңгейде ұйымдастырылып, қатысушылар мен қонақтардың көңілінен шықты.
Конференция аяқталғаннан кейін еліміздің құрметті тұлғалары мектеп директоры Масанов Нұрман Сәрсенұлының кабинетінде бас қосып, ұйымдастырушыларға алғыстарын білдірді. Туған елінің мақтанышына айналып, ғылымның дамуына сүбелі үлесін қосып жүрген ғалым Ұлжалғас Есназарова мектеп ұжымының еңбегін жоғары бағалап, директорға ісіне сәттілік тіледі.

«Бірлік түбі — береке»
Президенттің тікелей тапсырмасымен сәтті жүзеге асып отырған «Жайлы мектеп» ұлттық жобасы — білім саласын жаңа деңгейге көтеруге бағытталған жоба. Көзделген мақсат пен бағдарға алынған меженің үлкен жауапкершілікті қажет ететіндігі айқын. Ізгілікті істе бірлік пен татулық, қолдау аса маңызды. Осындай мақсатта Отырар ауданымыздың мектеп директорлары 19.02.2025жылы «№1 жалпы білім беретін мектеп» КММ-не келіп, директоры Масанов Нұрман Сәрсенұлы мен мектеп ұжымына достық лебізін білдіріп, жұмыстарына сәттілік тіледі. Сындарлы еңбек жолы арқылы үлгілі басшы болып жүрген қонақтардың ыстық лебізіне директор Нұрман Сәрсенұлы алғыс білдіре отырып, әрбір қолдау мен келелі кеңестің жұмысымызға оң әсерін беретінін жеткізді.

«Тарыдай болып кіресің...»
Президенттің тікелей тапсырмасы бойынша жүзеге асырылып отырған «Жайлы мектеп» ұлттық жобасы аясында жұмыс жүргізіп отырған «№1 жалпы білім беретін» КММ-де 17.02.2025 жылы мектепалды даярлық тобы мен 1-сынып оқушыларының алғашқы оқу күні өтті. Білімге бастаған қадамдары құтты болып, оқуда озат та ынталы болу үшін мектеп директоры Масанов Нұрман Сәрсенұлы және оқу ісі жөніндегі орынбасары Аханова Нүргүл Үсеновна мен мектеп ұжымы, жоғары сынып оқушылары білім алушыларды ерекше ықыласпен қарсы алды. Мектеп басшылығының ұйымдастыруымен әр оқушыға мемлекетіміздің рәмізі-ту, бояу қаламы, дәптер, бояуға арналған дәптер және де "Қазақстан" шоколады сыйлыққа берілді. Бала жас шыбық іспетті, қайда исек, солай қарай бағыт алмақ. Білім мен тәрбие басы елге құрмет пен махаббаттан бастау алу керек екендігін естен шығармауымыз керек. «Болар баланың бетін қақпай, белін буатын» бастама өзінің оң бағасын алып, жалғасын табады деген ойдамыз.
Білекке емес, білімге сенетен уақытта оқушыларды түрлі әдіс-тәсілдер арқылы оқуға қызықтыру — заман талабы. Тарыдай болып мектебіміздің табалдырығын аттаған шәкірттерімізді елінің игілігі үшін келелі істерді жүзеге асыратын білікті де білімді азамат етіп түлетуге аянып қалмаспыз.
Білім саласын жаңа сатыға көтеруге бағытталған «Жайлы мектеп» ұлттық жобасының сәтті жүзеге асуына басшылық жасап жүрген Түркістан облысының әкімі Нұралхан Көшеровке, Отырар аудан әкімі Қайрат Жолдыбайұлына, Отырар ауданының білім бөлімі басшысы Шерубаев Құдайберген Қайыпбекұлына алғысымыз шексіз.

Отырар ауданының құрметті азаматы, әдебиеттанушы, этнолог, мәдениет қайраткері Жұмашов Абдолла, Отырар ауданының құрметті азаматы, ардагер ұстаз, «Ыбырай Алтынсарин» төсбелгісінің иегері Белгібай Мария арнайы 14 ақпан-халықаралық кітап сыйлау күнімен №1 жалпы білім беретін мектеп ұжымын, директоры Масанов Нурман Сәрсенұлын құттықтай отырып, қазыналы өлкенің дарынды тұлғалары жайлы жазылған кітапты сыйлады. Маңызы жоғары ұлттық жоба негізінде салынған білім ордасының ұжымына жұмысының жемісті де жеңісті болуын тілеп, ақ батасын берді. Мектеп директоры ардагер ұстаздарға өз алғысын білдіріп, сыйға берілген кітаптың өзіндік ерекшелігі бар екенін жеткізді. Әлемнің екінші ұстазы атанған «Фараби Елі» кітабы — біз үшін символикалық сый.«Ісі ұлының өзі де — ұлы» демекші, елге сыйлы тұлғалардың қолдауы, ақыл-кеңестері, бағыт-бағдар көрсетуі оқушылар мен ұстаздарымызды жарқын биіктерді бағындыруға шабыттандырады. Мектеп директорымен бірге естелікке суретке түсіп, мектептің ішкі тыныс-тіршілігімен ой бөлісті.

Здесь скоро будет описание новости

Здесь скоро будет описание новости

Здесь скоро будет описание новости

Здесь скоро будет описание новости

Здесь скоро будет описание новости